完全係作我出嚟！
裕美接受東網訪問時大斥報道離譜：「嘩，呢單嘢完全係作我出嚟，好離譜，雖然我曾經喺九龍灣間公司住過，但唔關冇水事，冇水我唔識去附近搵地方涼沖咩？裏面啲嘢（報道）好多都唔關我事，點會有血迹上床呀，大佬，唔好玩啦，關我咩事，我識得佢耐啫……」
同莊端兒都見過面
她又說自己在14歲入行，當年15歲就結識了剛出道，約18歲的Steven：「我記得係同公司啲藝人一齊出去聚會時識佢，大家又是基督徒，成日都會喺教會見面、傳福音、做見證，連教會啲朋友、莊端兒都知我哋識咗好耐，我同莊端兒都見過面。」雖然曾是成日見的熟朋友，但大家近年就較少聯絡，知道對方工作忙又拍拖。
強調冇嘢：唔好係仔都關我事先得㗎！
問到Steven可有曾展開追求？她指兩人視對方如兄妹：「佢當我妹咁照顧，記得有次我哋出外地嘅布道會，嗰次一齊去玩激流，我被浪沖到差啲翻艇同跌落水，佢第一時間捉住我，我哋冇嘢，大家唔好諗咁多啦！唔好係仔都關我事先得㗎！如果有嘢一早有咗啦，冇咗依然都冇嘢啦，我唔覺得同佢有嘢囉。」問到對Steven「一腳踏五船」有何看法？她表示：「佢一腳踏幾多船都唔關我事，佢感情點處理我完全唔知道。(佢為人點？）相處咁耐，我覺得佢冇乜嘢，個人幾親切，又冇所謂，唔止對我係咁，對教會啲弟兄姊妹都好好，好funny，會幫人。」
@hk.on.cc
.
.
#news #entertainment #fake #funny
Search